rreroanea izeneko etxea Elizalden aurkitzen da, Kale Nagusian, Erretoretxea eta Barberonea etxeen artean. Domingo  Goenaga eta Joxe bere semea bizi ziren etxe honetan. Lanbidez errementariak eta ferratzaileak ziren, eta lantegia Arrillaga edo Potxonea etxeko atzealdean zuten. Baserriz baserri ibiltzen ziren behiak eta idiak ferratzen. Etxean, berriz, ukuilua zuten bi behirekin. 1960 inguruan kendu zituzten. Erreroanea Elizalde 2003 Erreroanea. Argazkia: Josu Tellabide. E Etxeederra Elizalde zen polit honekin bazen oinetxe bat Usurbilen. Luis Murugarren historialariak etxe honen aipamenik zaharrena 1625ean aurkitu zuen. Joxe Ramon Zubimendik “Zubieta mila urteko herria” liburuan aipatzen du “casa solar de Echeederra” izeneko bat, 1681ean. Francisco de Elgorriaga zen jabea. Berrogei urte lehenago, 1642an Josepho de Elgorriagak dukat erdi bat eman zuen erre arentzat Gipuzkoako batzar nagusiek aginduta “Donativo graciosso” deitzen zen zerga moduan. I