Errementaldegi

Errementaldegi planta errektangularreko baserri txikia da, 14,5 x 7,5 metrokoa, harri eta manposteriaz egina. Izenak adierazten duenez, errementarien etxea zen. Dirudienez, Urdaiagan zegoen burdinola desagertuarekin harremana zuen.

Errementaldegiko lehengo jabea Tomas Bengoetxea Atxega zen.

1924an, Tomasen alabak, Manuela Bengoetxea Agirrek saldu zien Lorentzo Kamino Aizpurua eta Maria Ibargoien senar-emazteei, eta geroztik, Kamino familia bizi da bertan. Gaurko jabeak Juxto Kamino, Lorentzo eta Mariaren semea, eta Igeldoko Erauntzetaaundiko alaba den Miren Landa dira; beren seme-alabekin bizi dira bertan.

Baserri honetan hiru behi eta hiru txekor izaten ziren lehen; gaur, behi bat eta mando bat bakarrik dituzte. Soroak Irabiko erriberetan ditu Errementaldegik, eta Juxtok lantzen ditu. Mandoa erabiltzen du soroko lanetarako eta belarra baserrira garraiatzeko.

Baserriaren lotutako argazkiak:

• Ezkerretik eskubira: Balentin Zubiria Iraola (Ezpalditxiki) eta Justo Kamino Ibargoien (Errementaldegi).
• Ezkerretik eskubira: Miren Landa (Errementaldegiko etxekoandrea), Eustaki Kamino Ibargoien (Ezpalditxikiko etxekoandrea), Margarita Kamino Ibargoien eta Pello Zubiria Kamino (Ezpalditxiki).
• Ezker-eskubi: Kandelari Urruzmendi (Egiluzeaundi), .Miren Landa (Igeldoko Erauntzetakoa, Errementaldegira ezkondu zen).
• 1984. Errementaldegi.
• 2003. Errementaldegi.
• Lorentzo Kamino eta Maria Ibargoien, senar-emazteak. Lorentzo Portuko semea zen Maria, berriz, Olarriondozarreko alaba.
• Errementaldegiko atarian: 1.- Eustaki Kamino. 2.- Eujeni Kamino (Portu). 3.- Mari Karmen. 4.- Pakita Landa (Igeldoko Erauntzeta). 5.- Iñaxio Martija (Kalezar). 6,- Manoli Kamino (Errementaldegi). 7.- Iñaxi. 8.- Maria Jesus Alkorta Zabala (Agerreaundi). 9.- Lorentxo Kamino (Errementaldegi). 10.- Balentin Zubiria (Ezpalditxiki). 11.- Juxto Kamino (Errementaldegi).
• Juxto Kamino eta Miren Landa. Ezkontza egunean.
• Errementaldegiko atarian: Ezker eskubi Manuel Kamino, Juxto Kamino, Joxe Luis Kamino.
• 1964. 1-. Maria Jesus Urdangarin. 2-. Lorentzo Kamino (Errementaldegi). 3-. Eustaki Kamino (Errementaldegi). 4-. Julian Azpiroz erretorea.
• Igeldoko Erauntzeta. Miren Landa Larburu.
• Igeldoko Erauntzeta. Manuela Larburu (Miren Landa Larbururen ama).
• 2001. Juxto Kamino mandoarekin, (Errementaldegi).