Lipuzabal edo Liputzal izeneko erribera zabalaren erdialdean aurkitzen da etxebizitza bakarreko baserri txiki hau (13,20 x 8,20 m). Bi solairu eta ganbara txikia ditu, ukuilua behean, eta sukaldea eta gelak lehen solairuan. Hormak manposteriazkoak ditu eta gutxi landutako egurrezko egitura. Gaur etxea abandonatua eta erdi eroria dago. Isostegi, Itzaorekin batera, XIX. mendearen hasieran egindako etxea da, Orreagako kolejiatarenak izan ziren lurretan. 1808 aurretik luberritu ziren Liputzaleko erriberak, eta ondoren eraiki zen Isostegi baserria.
Kaximira Lizarreta Irastorza Isostegin jaio zen 1923an. Ezpaldiberri edo Pikabeanean egon zen inude, eta han zela ezagutu zuen bere senarra izango zen Karmelo Aizpurua Arruti, jaiotzez zumaiarra. Karmelo haurra zela Aiako Landarbideberrin jaso zuten. Gero, 20 urterekin, morroi etorri zen Aginagako Soroa baserrira. Geroago apopilo egon zen, Isostegira ezkondu zen arte. Karmelok eta Kaximirak zazpi seme-alaba izan zituzten, Manuel, Mari Tere, Ramon, Begoña, Sebastian, Joxe Mari eta Lurdes izenekoak.
Baserriaren lotutako argazkiak:
- Aginagatik eta Usurbildik Arantzazura peregrinazioa: 1-. Benito Lizarreta (Isostegi) Arantzazura bizikletan joaten zen Usurbildik. 2-. Damian “Txo†Beniton laguna (Legionarioa,mutrikuarra).
- Baserritar Kofradi bilera Ezpaldiberrin: 1-. Joakin Zaldua (Sariaaundi). 2-. Juan Zubiria (Arrillaga). 3-.Antonio Arrillaga (Gomentzanetxiki). 4-. Remigio Salsamendi (Arburu). 5-.Karmelo Aizpurua (Isostegi). 6-.Illunbeko semea. 7-. Joxe Lizaso (Tellegindegi).
- 1960. Hondarretan. Mapilen Ezkerretik eskubira: Benito Lizarreta (Isostegi), Ramon Pikabea (Ezpaldiberri), Manuel Aranburu (Arpidegi), Patxi Maioz (Mapil) eta Tomas.
- 2001. Isostegi.
- 2001. Isostegiko alagunea.
- 1946. Isostegiko atarian, Karmelo Aizpurua Arruti.
- 1940. Pantxika Lizarreta Irastorza.
- 1942. Kaximira Lizarreta Irastorza (Isostegi) eta Karmelo Aizpurua Arruti. Ezkontza egunean Isostegiko nagusiak.
- 1950. Donostiako,Artzain Onaren eliz ataria. 1-. Sebastian Lizarreta. 2-. Juan Joxe Lizarreta. 3- .Franzisko Lizarreta . 4-. Benito Lizarreta. 5-. Karmelo Aizpurua. 6-. Kaximira Lizarreta. 7-. Martina Lizarreta. 8-. Joxepa Gorriti (Atxegazar) 9-. Maria Lizarreta. 10-. Pantxika Lizarreta. 11-. Batista Eizagirre Lizarreta (Isostegiko lehengusua). 12-. Maritxu (Donostiarra). 13- .Juantxo Aranguren (Pantxikaren senarra, nuarbetarra, otarreak egiten zituen Isostegin).
- Isostegiko ataria, Sebastian Lizarreta Irastorza.
- Donostiako Txofre zezen plaza. Erdikoa: Juan Joxe Lizarreta Irastorza.
- 1-.Benito Lizarreta Irastorza.
- Donostiako Txofre zezen plaza.Trontzalariak. 1-. Juan Joxe Lizarreta Irastorza.
- 1956. Ramon eta Begoña Aizpurua Lizarreta. Isostegitik alan pasatzen ziren biak bakarrik Arrillagaazpi baserriko alagunera gero Aginagako eskolara joaten ziren oinez errepidetik. Bide beretik bazkaltzera itzuli Isostegira eta arratsaldean berriro eskolara.Dotrina ikastera Arrillagaaundira joaten ziren, han Dolores Salsamendik ematen zien dotrina.
- 1960. Karmelo Aizpurua Arruti.
- 2001.Angula arrantzatzeko Isostegiko gunea.
- Maria Lizarreta Irastorza, Isostegiko alaba.Mapillerrekan bizitu zen.
- 1965. Karmelo Aizpurua Arruti eta Lurdes Aizpurua Lizarreta, aita-alabak, arbitan biltzen Isostegiko erriberan.