Naigenduena

Intxaurreta etxearen aurrean dago, Arrillagaazpi edo Aldapa baserrira doan bidearen ondoan.

1955 inguruan, Arrillagaaunditik etorrita, etxe hau eraiki zuen Azurmendi familiak, Intxaurreta baserriko lur sailetan. Ignazio Azurmendik eta bere emazte Josefa Aizpuruk Arrillagaaundi saldu egin zuten horrela, eta baserri berrira etorri ziren bizitzera beren bederatzi seme-alabekin. Sei-zazpi behi jarri zituzten. Lurrak Isostegi aldean zituzten, haiek ere Intxaurretako Bengoetxeatarrei erosiak. Baserriko lanetarako, Ignazio Azurmendik kablea jarri zuen belarra eta simaurra errioaren gainetik alde batetik bestera pasatzeko. Kablea Martin Arizeta Antiguako errementariak montatu zuen. Kable honek leku horretan dirau 2002 arte, Usurbil eta Oriako arroa guztian zegoen bakarra zen. Goierriko Ataunen eta Nafarroako Araitzen aurkitzen den teknika bereko kablea da, bi txirrikekin mugitua. Naigenduena etxeko behiak 1960 aldean kendu zituzten.

Baserriaren lotutako argazkiak:

• 1957 Aginaga. 1-.Anbrosio Izagirre. 2-.A. Mari Otamendi (Perretzenea). 3-. Juan Manterola (Galardi). 4-. Jabier Bereziartua (Mutiozabal). 5-.Teodoro Azurmendi (Naigenduena). 6-. Joakin Atxega (Mutiozabal).
• 1934 Armendi baserriko ataria (Errezil). Azurmendi-Aizpuru sendia. Famili osoa Errezilgo Armendi baserritik etorri ziren Arrillagaaundira. Ezkerretik eskubira eta goitik behera: Eusebi (Aginagako Lertxundira ezkondu zen). Blaxa (Irunen ezkondu zen). Maria Luisa (Elorriora). Maria Josefa (Irunera joan zen). Rafael (Apaiza). Iñaxio (Arrillagaaundin Maiorazgo gelditu zen). Felix (1936-39 gerratean hil zen). Euleterio (1936-39 gerratean hil zen). Eserita: Pantxika (Amona) eta Juan Mari (Aitona).
• Naigenduena.
• 1974 Naigenduenako kablea (txirrila). Erriberatik belarra pasatzeko erabiltzen zuten.